[06/09] No' podemo, da bon, aprovar stando siti & muci sto andasso che ga' ciapa' Venexia.
Massa foresti, massa boteghe de vero cinese, massa mascare, massa moto ondoso, massa B&B, massa bacari, massa falsi poareti, massa vu' cumpra' (che xe anca evasori fisca£i e de contributi), massa scoasse.
El tuto par pochi venexiani co' case che ne costa oro. Se vo£emo che sta ex Capital £a resta viva, dovemo sbassar i foresti (pochi, ma boni) e darghe dentro co' l'economia del “Mar”, far un Centro de Ece£ensa a£ Arsenal co tanto de “Università del Mar”, “Ricerche sul Mar”(green economy), “Artigianato” par la costrution de£e nostre barche a remi, “Sport nautico”(da £e remiere a£a piscina olimpionica, altro che Museo !!!).
Par el Fontego de i Todeschi, se gavaria podesto far un Polo de Ecelensa Artigianal Venexian & Veneto co' taca£e a£e so botteghe de vendita (stend) i so £aboratori artigiana£i, ma anca se gavaria provedesto a metar £e schole de aprendistato par no' perdar l'Arte (altro che cine, boutique & congressi). Se gavaria anca podesto far pagar l'entrada a£i foresti par sbassar £i honeri de afito. Se gavaria podesto ripristinar £a Festa de£a Sensa par sostegnir tuti sti artigiani.
Ma sti qua che ne governa, dove xe£i co' £a testa, a£a Mostra del Cine ? Venexiani, xe ora de svejarse !!! WSM
Comitato Ultimi Veri Venexiani
portavoxe: Pietro Alvise Gaggio
Venezia
30123 Dorsoduro, 1243